​ភ្នំពេញ​៖​ យោង​តាម​របាយការណ៍​របស់​ឯកឧត្តម​ នាយ​ឧត្តមសេនីយ៍​ ទូច​ ណា​រ៉ុ​ទ​ ប្រធាន​នាយករ​ដ្ឋា​ន​អង្គរក្ស​ នៃ​ក្រសួងមហាផ្ទៃ​ បានឱ្យ​ដឹង​ថា​នៅ​ព្រឹក​ថ្ងៃ​ទី​១៣​ ខែវិច្ឆិកា​ ឆ្នាំ​២០១៩​នេះ​ថា​ ព្រះរាជ​ពិធីបុណ្យ​អុំទូក​ បណ្តែតប្រទីប​ សំពះ​ព្រះ​ខែ​ និង​អកអំបុក​ ប្រព្រឹត្ត​ទៅ​រយៈពេល​៣​ថ្ងៃ​ ចាប់ពី​ថ្ងៃ​ទី​១០,១១,១២​ ខែវិច្ឆិកា​ ឆ្នាំ​២០១៩​ ដែល​មាន​ទូក​ចូលរួម​ប្រកួត​ចំនួន​ ២៩៧​ទូក​(​ទូក​អន្តរជាតិ​ចំនួន​ ៩៧​ទូក​ ស្រី​២​ទូក​)​ក្នុង​នោះ​៖-​ទូក​អុំ​ចំនួន​ ១៦៨​ទូក​ ​(​ស្រី​ ១​ទូក​),-​ទូក​ចែវ​ចំនួន​ ៣២​ទូក​ ​(​ស្រី​ ២​ទូក​),-​ទូក​អន្ដរជាតិ​ ៩៧​ទូក​ ​(​ស្រី​ ២​ទូក​),-​ចំណុះ​ទូក​សរុប​ ១៩.២១៤​នាក់​ ​(​ស្រី​ ២៧៣​នាក់​)​។​

​ពិនិត្យ​ជា​រួម​នៅ​នៃ​ព្រះរាជ​ពិធីបុណ្យ​អុំទូក​ បណ្តែតប្រទីប​ សំពះ​ព្រះ​ខែ​ និង​អកអំបុក​ សភាពការណ៍​សន្តិសុខ​ សណ្តាប់ធ្នាប់​ មាន​ភាពល្អ​ប្រសើរ​ ដែល​មាន​ប្រពល​រដ្ឋ​មក​ចូលរួម​កំសាន្ត​សប្បាយ​ប្រមាណ​៤,៧៥​លាន​/៤,៥​លាន​នាក់​(​ធៀប​ឆ្នាំ​២០១៨)​។​
​ ​កត់សម្គាល់​៖
​ ​១-​សភាពការណ៍​សន្តិសុខ​
​ពិនិត្យ​ជា​រួម​ក្នុងអំឡុងពេល​នៃ​ព្រះរាជ​ពិធីបុណ្យ​អុំទូក​ បណ្តែតប្រទីប​ សំពះ​ព្រះ​ខែ​ អកអំបុក​ មាន​លក្ខណៈ​ល្អ​ប្រសើរ​ ដោយ​ពុំ​មាន​ព្រឹត្តិការណ៍​ណាមួយ​កើតឡើង​ជះ​ឥទ្ធិពល​ជា​អវិជ្ជមាន​ដល់​ស្ថានភាព​សន្តិសុខ​ឡើយ​។​
​ ​ ​២-​សភាពការណ៍​បទល្មើស​ព្រហ្មទណ្ឌ​៖​កើតឡើង​ ១០/៨​លើក​ ៖
​ ​-​លួច​៨/៥​លើក​ (A4២​លើក​,​ A8​ ,​ A7,​ A6២​លើក​,​ A9,​ ទីតាំង​ចំណុះ​ទូក​)​ បណ្តាល​ឲ្យ​បាត់​ម៉ូតូ​ ៣​ គ្រឿង​កាបូប​ ២​លើក​ទឹកប្រាក់​៥០០​ដុល្លា​អា​មេ​រិ​ក​ អត្តសញ្ញាណប័ណ្ណ​ ប័ណ្ណបើកបរ​ និង​ទូរស័ព្ទ​ដៃ​២​គ្រឿង​។​ករណី​ខាងលើ​នេះ​សមត្ថកិច្ច​ឃាត់ខ្លួន​ជនសង្ស័យ​២​នាក់​ ដកហូត​ម៉ូតូ​១​គ្រឿង​ ទូរស័ព្ទ​ដៃ​ ១​គ្រឿង​ បាន​ប្រគល់​ជូន​ម្ចាស់​វិញ​(A4)​។​
​ ​-​ហិង្សា​ដោយ​ចេតនា​ ២/១​លើក​(A8,​ A7)​ ក្នុង​នោះ​ ១​ករណី​បង្ក​ឡើង​ដោយ​អ្នក​ថែរក្សា​វត្ត​វាយ​គ្នា​ជាមួយ​អ្នក​ខាងក្រៅ​ និង​ ១​ករណី​ទៀត​ រវាង​ចំណុះ​ទូក​និង​ចំណុះ​ទូក​ករណី​ទាំង​២​នេះ​សមត្ថកិច្ច​ បាន​សម្របសម្រួល​រួចរាល់​។​

ដោយឡែក​បទល្មើស​ឆក់​ក្នុងឆ្នាំនេះ​ពុំ​មាន​សភាពការណ៍​កើតឡើង​ ធៀប​ទៅ​ឆ្នាំ​២០១៨​ កើតឡើង​ ២​លើក​។​

៣-​សភាពការណ៍​គ្រោះថ្នាក់​ផ្សេងៗ​កើតឡើង​ចំនួន​១៩/២៧​លើក​ក្នុង​នោះ​៖

​-​ផ្ទុះ​កំប៉ុង​ហ្គា​ស​ ០/១០​លើក​

​ ​-​គ្រោះថ្នាក់​ចរាចរណ៍​ ០/១​លើក​
​ ​-​លិច​ទូក​ ១០/១១​លើក​ ស្មើ​១០​ទូក​ (A10)​ជួយ​សង្គ្រោះ​កីឡាករ​បាន​ទាំងអស់​ពុំ​មាន​គ្រោះថ្នាក់​។​
​ ​-​ខ្យល់គរ​ ៧/៤​លើក​ (A10​ ៤​លើក​,​ A8,​ A7,​ ចំណុះ​ទូក​១​នាក់​)​ បញ្ជូន​ទៅ​មន្ទី​ពេទ្យ​សង្គ្រោះ​បាន​ទាន់​ពេល​។​
​ ​ ​-​ទូក​បុក​គ្នា​ ១​លើក​ របួស​កីឡាករ​ ៥​នាក់​ (​ហ្វឹកហាត់​ ទីតាំង​ចំណុះ​ទូក​)​ ។​
​ ​-​អគ្គី​ភ័យ​កើតឡើង​ ១/១​លើក​ (A5)​ នៅ​ក្រសួង​ធម្មការ​និង​សាសនា​ (​បន្ទប់​ប្រធាន​នាយកដ្ឋាន​ពុទ្ធ​សាសន​បណ្ឌិត​)​ ខូចខាត​សម្ភារៈ​មួយ​ចំនួន​ ប៉ុន្តែ​មិន​បង្ករ​ឲ្យ​មាន​របួស​ស្នាម​ (​ឆ្លង​ចរន្ត​អគ្គី​ស​នី​)​។​ ករណី​នេះ​សមត្ថកិច្ច​បាន​ជួយ​សង្គ្រោះ​ទាន់​ពេលវេលា​។​
II-​លទ្ធផល​អន្ដរាគមន៍​ និង​សង្គ្រោះ​
​ ​-​នៅ​តំបន់​A3​ បាន​ដកហូត​អាវ​ដែល​មាន​អក្សរ​ Police​ លើ​ស្ត្រី​ ១​នាក់​ អប់រំ​រួច​ឲ្យ​ត្រឡប់​ទៅ​វិញ​ និង​ឃាត់ខ្លួន​បុរស​ឈ្មោះ​ គិត​ ធា​រ៉ា​ អាយុ​ ៣៣​ឆ្នាំ​ រត់​ចូល​ក្បួន​រថយន្ត​ សម្តេច​នាយក​រដ្ឋមន្ត្រី​ ហើយ​បាន​បញ្ជូន​ទៅ​ប៉ុស្តិ៍​នគរបាល​រដ្ឋបាល​ បឹង​រាំង​ ដើម្បី​អនុវត្ត​នីតិវិធី​បន្ត​។​
​ ​ ​ ​-​នៅ​តំបន់​ A4​ សមត្ថកិច្ច​បាន​ឃាត់ខ្លួន​យុវជន​២​នាក់​ភេទ​ ប្រុស​ ​(១​នាក់​ចង​ទង់ជាតិ​ព្រះរាជាណាចក្រ​កម្ពុជា​លើ​ក្បាល​ ហើយ​ស្រែ​កថា​សម​ រ​ង្ស៊ី​ ចូល​ស្រុក​ហើយ​ និង​ ១​នាក់​ទៀត​បង្ក​ឲ្យ​បាត់​សណ្តាប់ធ្នាប់​នៅ​ចំណុច​វិមាន​ឯករាជ្យ​)​បញ្ជូន​ទៅ​ខណ្ឌដូនពេញ​ដើម្បី​បន្ត​នីតិវិធី​។​
​ ​-​ជួយ​សង្គ្រោះ​ក្មេង​វង្វេង​គ្រួសារ​ចំនួន​ ៥១​លើក​=៥២​នាក់​.​ (A4=២៦​ន​.A3=៩​ន​.​ A7=៨​ន​.A5=៣​ន​.​ A8=១​ន​.A6=២​ន​.​ A9=៣​ន​.)​ បាន​ប្រគល់​ជូន​ក្រុម​គ្រួសារ​។​
​ ​-​បាន​ជួយ​សង្គ្រោះ​ពិនិត្យ​ និង​ព្យាបាល​ជម្ងឺ​ ១៥.៨២៣​នាក់​ (​ស្រី​ ៤.៦៤៥​នាក់​)​ និង​បញ្ជូន​ទៅ​មន្ទីរពេទ្យ​ដើម្បី​សង្គ្រោះ​ចំនួន​ ២១​នាក់​(​ស្រី​៣)​។​
​ ​-​បាន​ជួយ​សង្គ្រោះ​ស្ត្រី​ឈឺពោះ​សម្រាលកូន​បញ្ជូន​ទៅ​មន្ទី​ពេទ្យ​(A4)​ និង​ជួយ​សង្គ្រោះ​ជន​ចាស់ជរា​ដើរ​ពុំ​រួច​២​នាក់​(A6)​។​
​ ​-​បាន​ចុះ​ផ្ស​ព​ផ្សាយ​អប់រំ​ស្ដី​ពី​ ការ​បង្ការ​ទប់ស្កាត់​ និង​ពន្លត់​អគ្គិភ័យ​តាម​បណ្តា​យាន្ត​ដ្ឋា​ន​ ផ្ទះសំណាក់​ ផ្ទះ​ជួល​ ភោជនីយ៍ដ្ឋាន​ ហាង​លក់​ខោអាវ​.....​ បាន​ចំនួន​ ៥០៨​កន្លែង​ និង​ចែក​ខិត្តប័ណ្ណ​ ជូន​ប្រជាពលរដ្ឋ​ អាជីវករ​ចំនួន​ ៧៤៨​សន្លឹក​ ៕

​ ​
​ ​ ​ ​
​